Du må ha pengar til opphaldet ditt i Noreg og til heimreisa. Du må kunne dokumentere at du har tilstrekkelege midlar til opphaldet ditt i Noreg og Schengen-området. Dersom du kan dokumentere dette, treng du ikkje sponsorskjema. Dette kan dokumenterast ved å legge fram kontoutskrift.

Om midlane blir rekna som tilstrekkelege, blir vurdert individuelt i kvar enkelt sak. Følgjande beløp er rettleiande utgangspunkt for kva som blir rekna som eit tilstrekkeleg minimum:

• 300 kroner per dag blir rekna som eit tilstrekkeleg minimum dersom du skal bu hos familie eller vener, eller i førehandsbestilt og førehandsbetalt innkvartering.
• 1 300 kroner per dag blir rekna som tilstrekkeleg dersom du ikkje har dokumentert førehandsbestilt eller førehandsbetalt innkvartering for heile opphaldsperioden. Dersom fleire personar reiser saman, bør beløpet vere minst 1 000 kroner per person per dag.

Det vil ikkje vere nokon fordelar ved å legge fram eit sponsorskjema dersom du har tilstrekkeleg med pengar. Ved å legge fram overskotsdokumentasjon i søknaden vil du i staden auka behandlingstida di fordi vi må gå igjennom fleire dokument.

Viss sponsoren din har fylt ut eit elektronisk sponsorskjema og du legg ved sponsorkoden på fire ord (og annan relevant dokumentasjon) saman med visumsøknaden, vil det vanlegvis ikkje vere behov for å innhente ytterlegare informasjon frå sponsor/verten i Noreg. Dette vil som regel redusere behandlingstida.

Dersom du derimot ikkje sender inn ein sponsorkode (eller dokumenterer at du har nok midlar til opphaldet saman med visumsøknaden), må du forvente lengre behandlingstid, ettersom informasjonen i sponsorskjema på papir må verifiserast av utlendingsmyndigheitene.

Visumfrie borgarar må framleis bruke papirløysinga.

Søkjarar som leverer søknad om besøksvisum for gruppe, for to eller fleire personar med same nasjonalitet som reiser saman, må framleis nytte seg av papirløysinga. Sponsorskjema er individuelt og må leverast for kvar av søkjarane som ikkje kan dokumentere at dei har minst 500 kroner per dag under opphaldet i Noreg og Schengenområdet.

Visumsøknader som skal leverast inn hos Sysselmeisteren på Svalbard eller til eit anna Schengen-medlemsland der Noreg blir representert, må framleis nytte papirløysinga.

Dersom du har fått innvilga eit fleirreisevisum kan du berre nytte elektronisk sponsorskjema ved første innreise. Ved seinare innreiser må du ta med deg eit papirskjema.

Dette gjeld også søkjarar som allereie har levert inn søknad om visum. Elektronisk sponsorskjema er berre gyldig dersom det har blitt kopla saman med søknadskjema gjennom å oppgi koden på fire ord. Dette er fordi skjema blir automatisk sendt inn til utlendingsforvaltingas saksbehandlarsystem. Dersom det ettersendast via opplastingsløysinga eller via e-post og post, vil vi ikkje kunne verifisere eID (elektronisk signatur).

All relevant informasjon registrerast og lagrast i den aktuelle saka i Visa Information System (VIS) i samsvar med gjeldande regelverk og Utlendingsdirektoratets (UDIs) personvernerklæring. Dette gjeld også informasjon om deg som inviterer og/eller sponsor, samt om deg sjølv om du ikkje er søkjar eller sponsor i ei visumsak, men likevel er knytt til ei slik sak som privatperson eller verksemd. 

Viss du har fylt ut eit elektronisk sponsorskjema og søkjaren legg ved sponsorkoden på fire ord (og annan relevant dokumentasjon) saman med visumsøknaden, vil det vanlegvis ikkje vere behov for å innhente ytterlegare informasjon frå sponsor/verten i Noreg. Dette vil som regel redusere behandlingstida.

Dersom søkjaren derimot ikkje sender inn ein sponsorkode eller dokumenterer at dei har nok midlar til opphaldet saman med visumsøknaden, må søkjaren forvente lengre behandlingstid, ettersom informasjonen i sponsorskjema på papir da må verifiserast av utlendingsmyndigheitene.

For å kunne vere økonomisk sponsor, må du fylle ut eit sponsorskjema. Viss du skal vere sponsor for meir enn ein person, må du sende eit eige sponsorskjema om kvar person som skal besøkje deg.

Krav til deg som skal vere sponsor

• Du må bo i Noreg.
• Du må ha fødselsnummer.
• Du må vere over 18 år

Slik sponsar du ein visumsøkjar

1. Du må fylle ut eit elektronisk sponsorskjema.
2. Du må sende koden på fire ord videre til personen som skal besøke deg.
3. Søker må fylle ut søknad om besøksvisum og oppgi sponsorkoden på fire ord.
4. Søker må skrive ut en kopi av det elektroniske sponsorskjemaet og levere dette sammen med de andre søknadsdokumentene sine på utenriksstasjonen eller søknadssenteret.

Alternativt kan du nytte papirløysinga. Vel om du vil ha sponsorskjema på bokmål (pdf, 988 kB) eller sponsorskjema på nynorsk (pdf, 233 kB). Da må du påberekne litt lengre saksbehandlingstid. 

1. Du må sende ferdig utfylt og signert skjema til den som skal besøkje deg. Skjemaet må vere signert for hand. Du kan sende skjemaet til den som skal besøkje deg via e-post eller post. 
2. Den som skal søkje visum for å kome på besøk må levere sponsorskjemaet saman med dei andre søknadsdokumenta sine på utanriksstasjonen eller søknadssenteret.
3. Dersom søkjaren får ja på søknaden om visum må vedkommande ta med seg sponsorskjemaet ved innreise til Noreg.

Merk! Sponsorskjemaet kan berre brukast for éin (1) innreise til Schengenområdet. Viss søkjaren får eit visum som er gyldig for fleire innreiser, må du fylle ut eit nytt sponsorskjema for kvart besøk.

For å kunne vere økonomisk sponsor, må du fylle ut eit sponsorskjema som representant for bedrifta/organisasjonen. Viss verksemda skal vere sponsor for meir enn ein person, må du sende eit eige sponsorskjema for kvar person som skal besøkje dykk.

Krav til verksemda

• Bedrifta eller organisasjonen må vere registrert i Noreg.
• Bedrifta eller organisasjonen må vere i drift.

Slik sponsar du ein visumsøkjar

1. Verksemda må oppgi ein representant i Altinn. Du finn fremgangsmåte under Slik får du sponsortilgang på vegne av en bedrift/organisasjon. 
2. Representanten i verksemda må fylle ut eit elektronisk sponsorskjema.
3. Representanten må sende koden på fire ord videre til personen som skal besøke dere.
4. Søker må fylle ut søknad om besøksvisum og oppgi koden på fire ord.
5. Søker må skrive ut en kopi av det elektroniske sponsorskjemaet og levere dette sammen med de andre søknadsdokumentene sine på utenriksstasjonen eller søknadssenteret.

Alternativt kan representanten i verksemda nytte papirløysinga. Vel om du vil ha sponsorskjema på bokmål (pdf, 988 kB) eller sponsorskjema på nynorsk (pdf, 233 kB). Da må dykk påberekne litt lengre saksbehandlingstid. 

1. Verksemda må stemple sponsorskjemaet med det offisielle stempelet til bedrifta og sende det ferdig utfylte skjemaet til den som skal besøkje dykk. Representanten må signere skjemaet for hand. Skjemaet kan sendast til den som kjem på besøk via epost eller post.
2. Den som skal søkje visum for å komme på besøk må levere sponsorskjemaet saman med dei andre søknadsdokumenta sine på utanriksstasjonen eller søknadssenteret.
3. Dersom søkjaren får ja på søknaden om visum må vedkommande ta med seg sponsorskjemaet ved innreise til Noreg.

Merk! Sponsorskjemaet kan berre brukast for éin innreise til Schengenområdet. Viss søkjaren får eit visum som er gyldig for fleire innreiser, må verksemda fylle ut eit nytt sponsorskjema for kvart besøk.

Etter at du har fylt ut det elektroniske sponsorskjemaet, vil du som sponsor få ein kode på fire ord som du må sende vidare til den som skal besøkje deg. Koden blir synleg på skjermen når du har stadfesta informasjonen på samandragssida. Då får du også koden i ein e-post.

1. Du må fylle ut eit sponsorskjema. Vel om du vil ha sponsorskjema på bokmål (pdf, 988 kB) eller sponsorskjema på nynorsk (pdf, 233 kB).
2. Du må sende ferdig utfylt og signert skjema til den som skal besøkje deg. Skjemaet må vere signert for hand. Du kan sende skjemaet til den som skal besøkje deg via epost eller post.
3. Den som skal besøkje deg må ta med seg sponsorskjemaet når dei reiser.

Merk! Dersom du stiller som sponsor på vegner av ei bedrift eller organisasjon, må verksemda oppgi ein kontaktperson i skjemaet. Verksemda må også stemple sponsorskjemaet med det offisielle stempelet til bedrifta.

Når du har fylt ut og signert eit sponsor- og invitasjonsskjema og søkjar har levert dette inn, enten som eit papirskjema eller som eit digitalt skjema ved å fylle inn koden på fire ord, vil opplysningane dine ligge på saka til søkjar. Sponsor har ikke ei eiga sak hos utlendingsmyndigheitene.

Dersom du seinare skulle ønske å få innsyn i opplysningane som utlendingsmyndigheitene har lagra om deg, må du ta kontakt med UDI si rettleiingsteneste. Før du tar kontakt må du har opplysningar om søkjar slik at vi kan slå opp vedkommande i systemet vårt.

Du finn ytterlegare informasjon om korleis utlendingsmyndigheitene behandlar personopplysningane dine i UDI si personvernerklæring.

Sponsorskjema som har blitt sendt inn til utlendingsmyndigheitene er ikke mogleg å endre eller slette. Etter at du som søkjar har fullført søknaden blir det digitale sponsorskjema kopla til søknadsskjemaet og sendt inn til saksbehandlingssystemet vårt. Der blir det lagra som eit saksdokument på søkjars sak. Du finn ytterlegare informasjon om kor lenge vi oppbevarer opplysningane dine i UDI si personvernerklæring.

Dersom du eller sponsor oppdagar at det står feil informasjon i sponsorskjemaet, kan de nytte papirløysinga og ettersende dokumentet.

Sponsor har ikkje høve til å trekke tilbake den økonomiske garantien for reisa etter at skjema er sendt inn til UDI. Sponsor kan derimot trekke tilbake invitasjonen. Dersom sponsor trekker invitasjon, vil du stå utan formål med mindre eit nytt formål kan dokumenterast.

Eit sponsor- og invitasjonsskjema er gyldig for ei innreise. Dersom du har fått innvilga fleirreisevisum må du legge fram nytt sponsorskjema ved kvar innreise.

Sponsor- og invitasjonsskjema er gyldig i 6 månader. Unytta sponsorskjema blir derfor automatisk sletta etter 6 månader.

All relevant informasjon registrerast og lagrast i den aktuelle saka i Visa Information System (VIS) i samsvar med gjeldande regelverk og Utlendingsdirektoratets (UDIs) personvernerklæring. Dette gjeld også informasjon om deg som inviterer og/eller sponsor, samt om deg sjølv om du ikkje er søkjar eller sponsor i ei visumsak, men likevel er knytt til ei slik sak som privatperson eller verksemd.